Türkmen aýdym-sazy ýer ýüzüne ýaň salýar
Berkarar döwletimiziň täze eýýamynyň Galkynyşy döwründe milli medeniýetimiz we sungatymyz ösüşleriň hem-de kämillikleriň belentliklerinde nazarlaýar. Türkmen aýdym-saz sungatymyz bu günki gün dünýä ýüzüne ýaň salýar. 2026-njy ýylyň 16-njy iýulynda Koreýa Respublikasynyň Gwanjou şäherinde , 18-nji iýulynda bolsa Seul şäherinde dostluk günleriniň çäginde “Merkezi Aziýa-Koreýa Respublikasy” dostluk assosiasiýasy tarapyndan “Beýik Ýüpek ýoluna Arirang arkaly medeni syýahat” atly çäreleri geçirildi.
Bu çärelere Merkezi Aziýa ýurtlary: Türkmenistandan, Özbegistandan, Gazagystan, Gyrgyzystan, Täjigistandan sungat ussatlary gatnaşdylar. Türkmenistanyň wekiliýetinden Maýa Kulyýewa adyndaky Türkmen milli konserwatoriýasynyň “Ýekelikde aýdym aýtmak kafedrasynyň müdiriniň wezipesini wagtlaýyn ýerine ýetirijisi, uly mugallymy Begenç Gaýypow hem-de Lebap welaýatynyň Çärjew etrap medeniýet merkeziniň tans toparynyň artisti Arslan Jumaýew gatnaşyp, üstünlikli çykyş etdiler. Bu çärede Türkmenistanly wekiliýetinden gatnaşan Maýa Kulyýewa adyndaky Türkmen milli konserwatoriýasynyň uly mugallymy Gaýypow Begenç “Мирьянг Ариран“ atly koreý dilinde we Nury Halmämmedowyň sazyna Magtymguly Pyragynyň sözlerine “Uýat eýleýir” aýdymlary ýerine ýetirdi.Çärede çykyş eden sungat ussatlaryna Koreýa Respublikasynyň Milli Aziýa Medeniýet merkezi tarapyndan ajaýyp çykyş ussatlygy hem-de Koreýa bilen Türkmenistanyň arasyndaky medeni hyzmatdaşlygyň ösüşine goşant goşandyklary üçin ýadygärlik baýragyň gowşurylmagy, türkmen halkynyň Milli Lideri Gahryman Arkadagymyzyň hem-de Hormatly Prezidentimiziň taýsyz tagallalarynyň netijesinde türkmen medeniýetiniň we sungatynyň dünýä ýaýylýandygynyň aýdyň ykrarnamasydyr. Bu ajaýyp çärede ýaňlanan hoş owazly aýdym-sazlarymyz tomaşaçylar tarapyndan gyzgyn garşylanyp, köpöwüşginli sungatymyz olarda ýatdan çykmajak täsirleri galdyrdy. Türkmen medeniýetiniň sungatynyň gülläp ösmegi hem-de dünýäde dabaralanmagy ugrundaky uly goldaw hemaýatlary üçin, Milli Liderimiz Gahryman Arkadagymyza çäksiz alkyşlarymyzy aýdýarys. Gahryman Arkadagymyzyň, hormatly Prezidentimiziň janlary sag, belent başlary aman bolsun, il-ýurt bähbitli döwletli işleri hemişe uly üstünliklere beslensin.
Maral NURYÝEWA,
Maýa Kulyýewa adyndaky Türkmen milli
konserwatoriýasynyň kitaphana müdiri.
