Türkmenistanyň Bilim ministri Ürgenç döwlet uniwersitetinde döredilen şertler bilen tanyşdy

Şu gün Türkmenistanyň Bilim ministri Jumamyrat Gurbangeldiýew Ürgenç döwlet uniwersitetine amala aşyran saparynyň çäklerinde uniwersitetiň rektory Feruza Madrahimowanyň ýoldaşlygynda ýokary okuw mekdebinde döredilen şertler bilen tanyşdy.

Saparyň dowamynda ol uniwersitetiň çäginde, Jadidler burçunda, Ürgenç döwlet uniwersitetiniň 90 ýyllyk taryhyny şöhlelendirýän muzeýde hem-de Maglumat-resurs merkezinde boldy. Uniwersitetde bilimiň hilini ýokarlandyrmak, talyplaryň bilim derejesini we ylmy mümkinçiliklerini ösdürmek üçin döredilen şertler barada maglumat berildi. Şeýle hem ministr häzirki wagtda Ürgenç döwlet uniwersitetinde bilim alýan türkmenistanly talyplar bilen mähirli söhbetdeş boldy.

Saparyň çäklerinde Jumamyrat Gurbangeldiýew we rektor Feruza Madrahimowa Ürgenç şäherindäki Jelaleddin Menguberdi ýadygärligine hem baryp gördüler. Myhmanlar halkymyzyň mertliginiň, gaýduwsyzlygynyň we watançylygynyň nyşanyna öwrülen beýik serkerdäniň hatyrasyna hormat bildirdiler.

Türkmenistanyň Bilim ministrligi