Türkmenistanyň DIM-niň Halkara gatnaşyklary institutynda ders bäsleşiginiň soňky tapgyry tamamlandy
28 Apr 2026, 13:58
1,093
Türkmenistanyň Daşary işler ministrliginiň Halkara gatnaşyklary institutynda ýurduň dürli künjeklerinden 176 uçurymy bir ýere jemlän ders bäsleşiginiň soňky tapgyry tamamlandy. Bu barada Türkmenistanyň Halkara habarlar merkezi habar berdi.
Ilkinji saýlama tapgyra Aşgabat, Arkadag şäherlerinden we ähli welaýatlardan 900 töweregi mekdep okuwçysy gatnaşdy. Şolardan diňe 176-sy finala çykdy. Okuwçylar dört esasy ugur boýunça bäsleşdiler: Türkmenistanyň taryhy, matematika, türkmen we iňlis dilleri.
Synag netijeleri ýakyn günlerde yglan ediler we iň gowy netijeleri görkezen uçurymlara ýörite diplom, höweslendiriji baýraklar gowşurylar.