Konserwatoriýanyň talyplary sungaty öwrenmek maksady bilen Döwlet kitaphanasynda myhmançylykda boldular
Medeniýet ulgamynda işleýän okaýan her bir türkmen raýaty Arkadagly Gahryman Serdarymyzyň : “Watanymyzyň döredijilik kuwwatyny artdyrmakda medeniýet ulgamyna aýratyn orun degişlidir. Medeniýet we sungat halkyň ruhy baýlygydyr” diýen parasatly jümlesinden ugur alyp medeniýetimizi we sungatymyzy ösdürmekde saldamly goşantlaryny goşýarlar. 2025-nji ýylyň mart aýynyň 17-ne Maýa Kulyýewa adyndaky Türkmen milli konserwatoriýasynyň kitaphanasynyň gurnamagynda Türkmenistanyň Döwlet medeniýet merkeziniň Döwlet kitaphanasyna konserwatoriýanyň “Kompozisiýa, saz öwreniş we fortepiano” fakultetiniň 1-nji ýyl talyplarynyň gatnaşmagynda sungaty öwrenmek maksady bilen Türkmenistanyñ Döwlet medeniýet merkeziniñ Döwlet kitaphanasynda myhmançylykda boldylar. Olar esasan sungat bölüminiň işi bilen aýratyn gyzyklanyp, sungat bölüminiň hazynasy sungata degişli kitaplardan, döwürleýin neşirlerden, notalardan, audiowizual neşirleri gördiler. Şeýle hem türkmen kompozitorlarynyň we daşary ýurt kompozitorlarynyň nota eserleriniň baý hazynasyny gördiler. Bölümde sungatyň ähli görnüşleri boýunça sowal-jogap neşirleri bar. Sungata ýaňy gadam basan konserwatoriýanyň 1-nji ýyl talyplary özlerini gyzyklandyrýan soraglary berip bu ýerden gyzykly maglumatlary öwrendiler. Türkmen sungatynyň we dünýä sungatynyň gazanan üstünliklerini wagyz etmek bilen, bölüm tematiki we senenamalaýyn kitap sergilerini guraýar. Bölümde “Sungat äleminde” atly tapgyr boýunça Türkmenistanyň belli-belli sungat ussatlary barada, suratkeşler , kompozitorlar, kinoaktýorlardyr-režissýorlar, teatr artistleri, tele-radio ýaýlymlarynyň halypa diktorlary barada kitaphananyň kitapdyr-gazet žurnal hazynasyndaky bar bolan ähli maglumatlary alyp bilmekligine uly ýardam berýär. Bu gollanmalar we gurnalar sergiler talyplarda uly täsir galdyrdy. Talyplar Sungat bölüminde türkmen we daşary ýurt kompozitorlaryň birnäçesiniň özlerini gyzyklandyrýan, öwrenmek isleýän sazlaryny diňlediler we ol ýazgylaryñ göçürmesini göçürip almaga mümkinçilikleriň bardygyny öwrendiler.
Ýaş nesillere okamaga, öwrenmäge giň mümkinçilikleri döredip berýän Türkmen halkynyň Milli Lideri, Gahryman Arkadagymyzyň, Arkadagly Gahryman Serdarymyzyň janlary sag ömürleri uzak , tutýan tutumly işleri rowaçlyklara beslensin.
Nuryýewa Maral,
Maýa Kulyýewa adyndaky Türkmen Milli
konserwatoriýasynyň kitaphana müdiri.
