Ylmy-amaly maslahat
Ýakynda Maýa Kulyýewa adyndaky Türkmen milli konserwatoriýasynda “Alym Arkadagymyzyň “Hakyda göwheri” – taglymaty ylmyň röwşen çyragy” atly ylmy-amaly maslahaty geçirildi. Maslahata professor mugallymlar, talyp ýaşlar we myhmanlar gatnaşdy. Gahryman Arkadagymyzyň bize peşgeş beren, türkmen we iňlis dillerinde neşir edilen “Hakyda göwheri” atly kitaby Milli Liderimiziň ozalky döreden ajaýyp eserleriniň hatarynda mynasyp orun eýeledi we ylmy-amaly maslahatda bu ajaýyp kitapda merdana halkymyzyň asyrlaryň jümmüşine uzap gidýän şöhratly ýolunyň, dünýä ösüşine goşan ägirt uly goşandynyň, görnükli şahsyýetlerimiziň amala aşyran beýik işleriniň taryhy maglumatlar arkaly täsirli beýan edilendigi bellenilýär.
Maslahatymyz Maýa Kulyýewa adyndaky Türkmen milli konserwatoriýasynyň “Jemgyýeti öwreniş ylymlary” kafedrasynyň müdiri Gözel Aýnazarowanyň taýýarlan “Milli Liderimiziň “Hakyda göwheri” kitaby ylmy taglymatdyr” atly çykyşy bilen başlady. Halkymyzyň şöhratly taryhyny, medeni mirasyny beýan edýän, olary täze many-mazmun bilen baýlaşdyrýan bu eserler ýaş nesilleri watançylyk, belent ahlaklylyk, ýokary ynsanperwerlik ruhunda terbiýelemekde gymmatly hazyna bolup durýar. Şol maksat bilen “Hakyda göwheri” kitaby talyp ýaşlary terbiýelemekde görüm-görelde” ady bilen Maýa Kulyýewa adyndaky Türkmen milli konserwatoriýasynyň “Jemgyýeti öwreniş ylymlary” kafedrasynyň uly mugallymy Annanabat Hojamämmedowa öz çykyşyny dowam etdi.
Ylmy-amaly maslahaty Maýa Kulyýewa adyndaky Türkmen milli konserwatoriýasynyň Kitaphana müdiri M. Nuryýewanyň “Gahryman Arkadagymyzyň “Hakyda göwheri” kitabynda şöhratly taryhymyzyň beýany” atly çykyşy bilen dowam etdi we sözüniň soňunda şeýle ajaýyp pelsepe kitaplary sowgat edip, ýaşlaryň ruhuna ruh goşýan Gahryman Arkadagymyza we Arkadagly Gahryman Serdarymyza ýürek buýsançlaryny aýtdy. Bu çykyş maslahata gatnaşýanlaryň gyzgyn el-çarpyşmalaryna mynasyp boldy.
Dabaranyň ahyry talyp ýaşlaryň ýürek buýsançlary we alkyşlary bilen jemlendi. “Hakyda göwheri” kitaby ýurdumyzyň taryhyny öwrenmekdäki ähmiýeti” ady bilen Maýa Kulyýewa adyndaky Türkmen milli konserwatoriýasynyň “Estrada sungaty” hünäriniň 2-nji ýyl talyby D. Hajyýewiň we “Hakyda göwheri – paýhas dürüdir” ady bilen “Sazşynaslyk” hünäriniň 2-nji ýyl talyby Aýjahan Abalakowanyň taýýarlan nutuk çykyşlary bilen ylmy-amaly maslahaty tamamlandy.
Ösüş-özgertmelere beslenen döwrümizde ajaýyp kitaplaryny halkymyza sowgat edýän, milli ýol-ýörelgelerimize, baý mirasymyza çäksiz sarpa goýýan türkmen halkynyň Milli Lideri Gahryman Arkadagymyza päk ýürekden alkyşlarymyzy aýdýarys. Goý, Gahryman Arkadagymyzyň we Arkadagly Gahryman Serdarymyzyň janlary sag, döwlet ähmiýetli tutýan tutumly işleri mundan beýläkde rowaçlyklara beslensin.
Arzuw AŞIROWA,
Maýa Kulyýewa adyndaky
Türkmen milli konserwatoriýasynyň
“Sazşynaslyk” hünäriniň III ýyl talyby.
