Saglyk ýoluna ýöriş ýokary derejede geçirildi
2024-nji ýylyň 2-nji noýabrynda Hormatly Prezidentimiziň gatnaşmagynda saglyk ýoluna ýöriş geçirildi. Geçirilen bu çärä 6 müňden gowrak adam gatnaşyp, Saglyk ýoluna ýöriş etdiler. Olaryň arasynda ýokary okuw mekdepleriniň talyp ýaşlary bilen birlikde Maýa Kulyýewa adyndaky Türkmen milli konserwatoriýasynyň hem talyplary gatanaşdylar. Ir säher bilen Köpetdagyň eteginde arassa dag howasy has-da döredijilik ylhamyňy joşa getirip watanymyzy, Gahryman Arkadagymyzy, Arkadagly Gahryman Serdarymyzy wasp edýän ajaýyp eserleri ýerine ýetirmäge ruhlandyrdy.
Köpçülikleýin ýöriş başlanmazdan ozal, Türkmenistandaky diplomatik wekilhanalaryň we halkara guramalarynyň wekilleriniň, ýokary okuw mekdepleriniň talyplarynyň hem-de ministrlikleriň we pudaklaýyn dolandyryş edaralarynyň işgärleriniň arasynda Saglyk ýoluny ylgap gemek boýunça ýaryş guraldy.
Bedenterbiýe we sport jemgyýetiň sagdynlygyny üpjün edýän gymmatlyk bolup durýar. Türkmenistan döwletimizde bu ulgamy ösdürmek döwlet syýasatynyň ileri tutulýan ugurlarynyň biri bolup durýar. Sport ulgamynda amala aşyrylýan özgertmeleri sport ussatlygynyň ýokary derejelere çykmagyna ýardam edýär. Türkmenistan sebit we dünýä rejesindäki iri sport ýaryşlary guramak hem-de geçirmek üçin uly tejribä we mümkinçilige eýedir. Halkara ýaryşlara işjeň gatnaşýan türkmen türgenleriniň gazanýan üstünlikleri we ýeňişleri bu ulgamda durmuşa geçirilýän strategiýanyň aýdyň subutnamasydyr.
Bu günki gün hem köpçülikleýin ýöriş tamamlanandan soňra, halkara ýaryşlarynda ýeňiji bolan Türkmenistanyň milli ýygyndy toparlarynyň türkgenlerini sylaglamak hem-de Türkmenistandaky diplomatik wekilhanalarynyň we halkara guramalarynyň wekilleriniň, ýokary okuw mekdepleriniň talyplarynyň hem-de ministrlikleriniň we pudaklaýyn dolandyryş edaralarynyň işgärleriniň arasynda Saglyk ýoluny ylgap geçmek boýunça ýaryşyň ýeňijilerine baýraklary gowşurmak dabarasy boldy.
Talyp ýaşlaryň ýokary derejeli hünärmenler bolup ýetişmekleri ugrunda, olaryň sagdyn bedenli we sagdyn ruhly ýaşlar bolup ýetişmekleri üçin döredilip berilýän ähli mümkinçlikleri üçin Saglyk ýoluna ýörişe gelen ýaşlaryň ählisi Gahryman Arkadagymyzyň we Arkadagly Gahryman Serdarymyzyň adyna özleriniň çäksiz minnetdarlyklaryny aýtdylar.
Guwanç Hallyýew,
Maýa Kulyýewa adyndaky Türkmen
milli konserwatoriýasynyň
“Sazşynaslyk” hünäriniň II ýyl talyby.
