Talyplyk dünýäsine şowly ädimler
- Hormatly Prezidentimiziň baştutanlygynda ýurdumyzda zehinli ýaşlaryň ýüze çykmagy üçin giň mümkinçilikler döredilýär. Muňa zehinli ýaşlaryň daşary döwletlerde geçirilýän döredijilik bäsleşiklerine gatnaşyp, öz ukyp-başarnygyny görkezmegi hem şaýatlyk edýär. Men hem Lebap welaýat ýörite sungat mekdebinde okaýarkam, ýurdumyzda we daşary döwletlerde geçirilýän Halkara bäsleşikleriniň birnäçesine gatnaşdym. 2022-nji ýylda Russiýa Federasiýasynyň Tatarystan Respublikasynyň Kazan şäherinde geçirilen “Мелодии души” atly halkara bäsleşigine gatnaşyp, II derejeli Diploma mynasyp boldum. Biz - döwrümiziň bagtly ýaşlary. Okap, bilim alyp, ýurdumyza gerekli ýaşlar bolup ýetişmek biziň üçin uly bagt. Maňa hem talyp bolmak bagtynyň miýesser edendigine buýsanjymyň çägi ýok. Ýaş nesillere okamak, döredijilik bilen meşgullanmak üçin ähli mümkinçilikleri döredýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, alyp barýan il-ýurt bähbitli işleri hemişe rowaç alsyn!
Gülälek JUMANIÝAZOWA, Maýa Kulyýewa adyndaky
Türkmen milli konserwatoriýasynyň 1-nji ýyl talyby.
