«Çalsana, bagşy« bäsleşiginiň ýeňijileri «Konserwatoriýanyň zehinli ýaşlary» atly saz festiwalynda.
«Berkarar döwletiň täze eýýamynyň Galkynyşy döwründe» Gahryman Arkadagymyzyň hem-de Arkadagly Gahryman Serdarymyzyň taýsyz tagalllalarynyň netijesinde biziň medeniýetimiz we sungatymyz barha pajarlap ösýär, özgerýär, ýaş zehinler ýüze çykýar. «Arkadag Serdarly bagtyýar ýaşlar» ýylynda hem biziň ýaş nesillerimiz şu ajaýyp döwrümizde birnäçe döwlet derejesinde hem-de halkara ýaryşlarynda birnäçe baýrakly orunlara mynasyp bolýar.
İne şeýle ýaryşlaryň biri hem, «Türkmeniň Altyn asyry» bäsleşiginiň çäklerinde geçirilýän «Çalsana bagşy» bäsleşigidir. Bu bäsleşige biziň ýokary okuw jaýymyzdan birnäçe talyp ýaşlar gatnaşyp, baýrakly orunlara mynasyp boldular.
Mälim bolşy ýaly, biziň Maýa Kulyýewa adyndaky Türkmen milli konserwatoriýamyzda noýabr aýynyň çäginde “Konserwatoriýanyň zehinli ýaşlary” atly saz festiwalynyň geçirilýär. Bu noýabr aýynda bolsa biziň birnäçe zehinli talyp ýaşlarymyz öz zehinlerini görkezdiler. Şeýle konsertleriň biri hem «Türkmeniň Altyn asyry» bäsleşiginiň çäklerinde geçirilýän“Çalsana,bagşy”atly bäsleşiginiň ýeňijileriniň konserti boldy. Bu bolsa şu aýyň ilkinji konserti boldy. Ýagny, Maýa Kulyýewa adyndaky Türkmen milli konserwatoriýasynyň “Halk sazy “fakultetiniň III ýyl talyby Merdan Baýramgeldiýew hem-de şol fakultetiň «Bagşy» hünäriniň IV ýyl talyby Göwher Tuhyýewanyň bilelikdäki konserti geçirildi.
Konsertiň başynda Göwher Tuhyýewa türkmen halk aýdymy «Atça bolmaz» diýen eseri bilen açdy.
Soňra bolsa Göwher Tuhyýewa «Gördüňmi» ,«Unutma», «Söýmüşem», «Janlarym», «Tabşyrdym» ýaly salyr-saryk ýolunda aýdylýan aýdymlary örän ezberlik we ussatlyk bilen ýerine ýetirdi. Bagşy gyzyň joşgunly owazynda aýdylan bu aýdymlar bolsa tomaşaçylaryň şowhunly, gyzgyn el çarpyşmalaryna mynasyp boldy.Bu ýaş zehinli talyba onuň halypa mugallymy, ýagny «Bagşyçylyk sungaty» kafedrasynyň müdiri, Türkmenistanyň at gazanan bagşysy Maýa Kulyýewa adyndaky Türkmen milli konserwatoriýasynyň uly mugallymy Garýagdy Saryýew hem-de «Türkmeniň Altyn asyry» bäsleşiginiň çäklerinde geçirilýän «Çalsana bagşy» atly bäsleşiginiň geçen ýylky ýeňijisi Maýa Kulyýewa adyndaky Türkmen milli konserwatoriýasynyň «Türkmen sazy» kafedrasynyň mugallymy Myrat Aşyrow, we «Halk sazy» fakultetiniň «Türkmen sazy» hünäriniň II ýyl talyby Kerim Pirnepesow dagylar sazandarlyk etdiler.
Göwher Tuhyýewa öz çykyşyny «Köne güzer» atly türkmen halk aýdymy bilen jemledi. Ýatlatsak, bu halk aýdymy talyp gyza bäsleşikde ýerine ýetirip, oňa ýeňiş getirdi. Bu eserde talyp bagşy gyz salyr-saryk ýolunyň inçe tärleridir, syrlaryny açyp görkezdi. Bu aýdym çeküwli, kyn we çylşyrymly aýdym bolandygyna garamazdan, Göwher bu eseri örän ýeňillik bilen ýerine ýetirdi. Bu bolsa tomaşaçylaryň has-da şowhunly elçarpyşmalardyr gutlagyna mynasyp boldy.
Göwheriň çykyşyndan soňra ýene bir talyp bagşy oglanymyz ýagny, şol bäsleşiginiň ýeňijisi Maýa Kulyýewa adyndaky Türkmen milli konserwatoriýasynyň «Halk sazy» fakultetiniň III ýyl talyby Merdan Baýramgeldiýew hem çykyş etdi. Ol bu öz çykyşynyň başyny Türkmen halk aýdymy «Gara göz» atly aýdymyny ýerine ýetirdi.
Soňra Türkmen halk aýdymy «Göwnüm»,«Senemiň», «Al Senem» ýaly eserlerini örän ussatlyk bilen ýerine ýetirdi hem-de tomaşaçylaryň el çarpyşmalaryna mynasyp boldy. Bu talyp ýigide dutar saz guralynda «Halk sazy» fakultetiniň V ýyl talyby Jumageldi Alyýew hem-de gyjak saz guralynda «Halk sazy» fakultetiniň I ýyl talyby Gurbangeldi Saparow dagylar örän erjellik bilen sazandarlyk etdiler. Konsertiň soňunda türkmen halk aýdymy «Maral geldi» diýen bäsleşikde ýerine ýetiren aýdymy bilen jemledi. Onuň bu eseri bilen uly şatlyk-şowhuna, tomaşaçylaryň gyzgyn el çarpyşmalaryna mynasyp bolup, konserti jemledi. Konserti «Halk sazy» fakultetiniň II ýyl talyby Arslan Şiriýew şowhunly alyp bardy.
Sözümiň soňunda «Arkadag Serdarly bagtyýar ýaşlar» ýylynda «Türkmeniň Altyn asyry» bäsleşiginiň çäklerinde geçirilýän «Çalsana,bagşy”atly bäsleşiginiň ýeňijileri bolan, ýagny Maýa Kulyýewa adyndaky Türkmen milli konserwatoriýasynyň “Halk sazy “fakultetiniň III ýyl talyby Merdan Baýramgeldiýew hem-de IV ýyl talyby Göwher Tuhyýewa mundanam beýläk medeniýet we sungat ýolunda uly üstünlikleri arzuw edýärin.
Osman Sapargeldiýew,
Maýa Kulyýewa adyndaky
Türkmen milli konserwatoriýasynyň
«Halk sazy» fakultetiniň III ýyl talyby
