«Talyp joşguny – 2023» döredijilik festiwaly geçirildi
Şu gün 23-nji maýda Maýa Kulyýewa adyndaky Türkmen milli konserwatoriýasynda Bilim ministrliginiň hem-de Magtymguly adyndaky Ýaşlar guramasynyň Merkezi Geňeşiniň bilelikde guramagynda ýurdumyzyň ýokary okuw mekdepleriniň arasynda geçirilýän «Talyp joşguny – 2023» atly döredijilik festiwaly dabaraly ýagdaýda geçirildi. Döredijilik festiwalyna konserwatoriýanyň bagtyýar talyp ýaşlary işjeň gatnaşdylar.
«Talyp joşguny — 2023» döredijilik festiwalynyň çykyşlary Gahryman Arkadagymyzyň jöwher paýhasyndan dörän kitaplarynyň esasynda taýýarlanyldy. Döredijilik festiwal edebi-sazly kompozisiýa, çeper okaýyş, orkestr toparynyň sazly çykyşy, degişme sahnasy, halk döredijiliginden bir parça ýerine ýetirildi. Dabaranyň dowamy aýdymçy talyplaryň ýerine ýetirmegindäki watanymyzyň ösüşlerini, Arkadagly Serdarymyzyň alyp barýan beýik tutumly işlerini wasp edýän aýdymdyr sazlara utgaşyp, şatlyk-şowhuna beslendi.
