Konserwatoriýa ýaryş geçirdi: "Konserwatoriýanyň zehinleri"
Maýa Kulyýewa adyndaky Türkmen milli konserwatoriýasynda "Konserwatoriýanyň zehinleri" atly bäsleşik geçirildi we bu ýaryşda ýeňijileriň konserti geçirildi. Türkmenistanyň garaşsyzlygynyň 30 ýyllygyna bagyşlanan "Konserwatoriýanyň zehinleri" bäsleşigine 1-nji ýyldan 5-nji ýyla çenli konserwatoriýanyň talyplary, gatnaşdy. Döredijilik bäsleşigi: halk, kirişli, üflenip we kakylyp çalynýan saz gurallary, bagşy, ýekelikde aýdym aýtmak, estrada sungaty, fortepiano, dirižýorlyk, sazşynaslyk, kompozisiýa we saz mugallymçylygy hünärler boýunça iki tapgyrda geçirildi.
Bäsleşigiň birinji tapgyryna ýaryşyň şertlerinde başarnyklaryny görkezen 150 okuwçy gatnaşdy. Emin agzalarynyň netijelerine görä birinji tapgyrda üstünlikli çykyş eden 92 talyp ikinji tapgyra geçirildi. Eminler 10 utuk ulgamda talyplaryň çykyşyna baha berdiler: Eminler konserwatoriýanyň ýanyndaky ýörite sazçylyk mekdep internatynyň, TMK-nyň ýanyndaky Danatar Öwezow adyndaky Türkmen Döwlet ýörite sazçylyk mekdebiniň wekilleri. Bäsleşigiň netijesinde baýrak gowşurylyş dabarasy we ýeňijileriň konserti geçirildi.
Gülzada GULDURDYÝEWA
Maýa Kulyýewa adyndaky Türkmen milli konserwatoriýasynyň talyby
